Grace a Laughlin, rahu’a hīmene nō te fenua Taha’a
O Grace a Laughlin te tamari’i hōpe’a roa o te hō’ē ’utuāfare fa’ata’i ’upa’upa matau maita’ihia. ’A fārerei ana’e ’iāna i roto i teie ve’a « Vahine nō Porinetia ».
’Ua fānauhia mai o Grace Imoiti Laughlin i Pape’ete. Nō roto mai teie tamāhine i te ’ōpūfēti’i a Hugh ’e o Linda Laughlin. E toru tu’āne (o Matahiarii, o Tapuarii, o Raiono) ’e hō’ē tuahine (o Sabrina) tōna. Rave rahi o rātou tei tui te ro’o i roto i hoa ïa i te parau nō te ’upa’upa e te pāpa’ira’a hīmene : o Matahiarii, o Tapuarii, o Sabrina ’e o Grace. E fēti’i o Gabilou nō rātou, rahu’a ’aravihī i roto i te parau nō te hīmene ato’a.
’Ua ti’a tō Grace e hitu matahiti i reva mai ai rātou i te fenua tupuna o Taha’a nei, fenua maeha’a o Raiatea. ’Ua noho ’oia i te ’oire o Fa’a’aha, e tae noa atu i tōna ’ahuru mā hitura’a o te matahiti. I reira, ’ua fa’ati’a mai tōna nā metua i te hō’ē fa’a’apu poe parau o « Motu Pearl Village » o tei riro i muri mai e fare fa’ari’ira’a i te mau rātere nā roto i te hīmene ’e te autaea’era’a
« Mea au roa nā tō’u metua vahine o Linda e hīmene. E reo iti marū ’e te navenave mau a tō’u metua vahine ia hīmene mai e ia fa’ata’i i te tītā. E ia ho’i ana’e mai tō’u metua tāne nā te ara, e ho’o mai ’ōna i te tauiha’a ’upa’upa, tītā, ukukele, piāna, « batterie », nō te pūpū nā mātou, tōna hua’ai tamari’i. »
’Ua ha’amata o Grace i te hīmene na muri i tōna tu’ane ’o Tapuarii ’e tōna tuahine o Sabrina. ’Ia tupu te mau ’ōro’a hīmene, e ’āpe’e ato’a teie rahu’a hīmene ïa rāua.
« This is me » : tāna pehe hoho’a numeri
I te matahiti 2016, ’ua oti tāna fa’aharuharura’a hīmene mātāmua « This is me », turu hia mai e Eremoana Ebb e tōna fare « Harmonie Prod Polynésie » i Tahiti. Tē rohi ’āmui noa ra rātou.
’Ia pāpa’i mai o Grace i tāna mau hīmene, e fa’a’ohipa ’ōna i te reo. ’Aita ’ōna e ha’uti i te ’upa’upa maoti ra ’ia ’ārearea ana’e e ha’uti ’ona i te ukulele e te kamaka.
« Mea ’oa’oa nā’u ’ia hīmene te mau ta’ata i tā’u mau pāpa’ira’a. »
« Te ’aremiti i Teahupo’o »
« Te ’aremiti i Teahupo’o », hīmene tei tāviri hia (clip) nō te parau fa’ahiti i tōna mana’o.
Ua rau te huru o te mau tumu parau tāna e tārima nei i roto i tāna mau hīmene mai te parau o te natura, te moana, te Aroha ’e te mau ’ā’ai ato’a o tāna e ora nei i te mau mahana tata’i tahi i piha’iho i tāna tāne ’e tō rāua tamāroa o Toamana.
’Ua rau tāna mau hīmene. ’Ua rau te reo : reo tahiti, te reo tīpe’e ’e te reo peretāne. I te matahiti 2024, ’ua tupu te Tū’aro Nui a te hōrue i Tahiti. Inaha, ’ua mau mai ’ia Grace i te hīmene tumu « Aremiti i Teahupo’o » o tā rātou, i fa’a’oto i Teahupo’o, ’ōna, o Tapuarii, o Sabrina ’e o Grace.
Teie nei ra, ’ē’ere i te mea ’ōhie nā Grace e ora noa i te hīmene. ’Ua patu mai ’ōna i te tahi fare tarahu i te peho i Hurepiti, i Tahaa nō ta fa’ari’i te mau rātere.
« Aita ra e pe’ape’a, e fa’atupu te hīmene i te ’oa’oa o tā’u e pūpū atu nei i te ao ato’a nei. »
Tāparau
©Hoho’a : Gaëlle Poyade / Grace Laughlin nō te mau Femmes de Polynésie
Fa’atere nō te pāpa’ira’a : Yvon Bardes
